我和媽媽攜手走過既路……因為已轉移到淋巴，所以是四期，生活咁健康唔煙唔酒都得了癌癥，還要是口腔癌/牙齦癌，應該是癌癥中最折磨人的頭幾位，要鋸走右下顎，再係腳取走一條脛骨，加螺絲鐵片重建下顎，及後再加三十次電療……醫生唔做手術得唔得，四期術後存活率一般都有幾年，如果唔做手術腫瘤擴散會…… 好嚇人，我差點被嚇倒了。

我們開始到處求醫，中醫，西醫，神醫，自然療法，巫醫，通通都不放過，只求有一絲希望不用做手術，最後當然是落空……手術還是要做。我開始上網睇病例，學睇媽媽既CT，醫療報告，了解手術前後既護理，知道術後生活一切都將會改變……要有心理準備打一場硬仗，身心都要強大才能支援媽媽走下去，慶幸在公立醫院遇上了仁醫，使我們不孤單，醫生完全明白我地既擔憂，一直陪伴我們走過每一個難關。

手術成功，電療完結，換來一大堆後遺癥，雖然我已經做左大量research，但親身經歷又是另一回事，萬般痛苦，媽媽以後都無法進食固體食物，頭頸媽媽形容好像吊頸一樣，像被箍住般辛苦……靠低劑量嗎啡止痛藥來減輕不適，安眠藥幫忙入睡，一系列專科覆診，腫瘤科，整形外科，骨科，口腔頜面科，言語治療，營養師，物理治療等等……我由唔識煮飯，去到整食療，OTA，PTA我都會，幫媽媽回家做物理治療，洗傷口，不過我最叻既就係，講東講西氹媽媽開心，只要心情好，所有野都會好。

身體既痛靠藥物幫忙，心靈傷痕靠時間撫平，一步一步去克服生活上各種改變，一年一年咁過去，我媽媽活到今天第九年，生命長短不由我們控制，但只要仍活著，就要好好珍惜，感恩生命所遇一切。多謝呢個平臺，讓我圍爐取暖，上次分享完爸爸既病，得到大家鼓勵，感覺好溫暖，心靈得到安撫。謝謝大家，一起加油勇敢面對逆境。